BE.15 Logu no.103
AUT NA SARIBU HALI GANDA

Ayat 1
Aut na saribu hali ganda saringar ni soarangki
Naeng nasa gogo bahenonku mamuji Debatantai
Paboa las ni rohangki hinorhon ni pambaenna i

Ayat 2
Tung sura sahat soarangku tu ujung ni portibion
Naeng nasa jolma haraonku mamuji Debata tongtong
Tama do nasa hosangki hubaen pasangap Tuhani

Ayat 3
unang ma modom Ho tondingku . sai ngot ma ho sai hehe ma
radot ma ho di ulaonmu sai puji Tuhan Debata
sai pangke nasa malomi mamujimuji Tuhan i

Ayat 4
Mauliate ma rohangku di Ho o Debata tongtong
dibaen sude denggan basamu naung nilehonmu di au on
ai dipatongon ho tongtong sude na ringkot di au on

Ayat 5
Hupuji dohot Ho o Jesus Marningot asi ni rohaM
Marningot mudarMi na durus Ro di sude dengganbasaM
Patupa haluaon i Di au pardosa godang i.

Ayat 6
Ho pe o Tondi Parbadia Dipuji endeendengkon
Margogo jala marmulia Do Ho mangapul rohangkon
Molo hubaen na denggan i Hinorhon ni gogoM do i

Ayat 7
Ai ise do mamasumasu Au on o Debata nda Ho ?
Pamatangkon ro di tondingku Sai diparmudumudu Ho
Huhut lambas do rohaMi Manatap pardosaonki.

Ayat 8
Sai pujionku do basaM Saleleng na mangolu au
Pasangaponku do goarMu Saleleng na marhosa au
Maradu tos pe hosangki Naeng pujionku sangapMi.

Ayat 9
Sai jalo ma ale Tuhanku Pamujingkon na hurang i
Di surgo pe padengganonku Dung sahat au di lambungMi
Marloksaloksa hali do Disi endehononku Ho.
